É Vero Teatro

Depués d’años trabayando en delles compañíes teatrales y en montaxes de xéneros y estilos estremaos, Verónica Gutiérrez siente la inquietú de mostrar una visión personal, apostando pol humor y la música como elementu vertebral nos sos espectáculos, al tiempu que fai una crítica reflexiva sobre temes d’actualidá. La compañía construye’l so camín dende una rellación cercana y sentida cola cultura llocal, y el so universu escénicu brota de les raigañes culturales del territoriu.

Espectáculos desendolcaos desque nació É Vero Teatro: CATACRÓQUEN, Esa Escura Conceyala, El Monstruu Revoltixuu y Al rodiu l’horru, amás d’espectáculos de cai como La Güestia, El pleitu les toliñes, microconciertos teatralizaos y sketches pa eventos diversos.