LA BUELGA

laBuelga Animación y Cultura nació tres de la pandemia cola idega de xenerar productos d’animación sociocultural venceyaos a la cultura autóctona, la tradición asturiana y l’idioma propiu d’Asturies, aprovechando los más de venti años d’esperiencia de Sergio Buelga como monitor sociocultural y la so vinculación col teatru.

El proyeutu trabaya en cuatro ámbitos principales: l’animación n’ociu y tiempu llibre, con xuegos tradicionales asturianos, talleres d’animación a la llectura, talleres manuales, narraciones orales, visites guiaes y programes de radiu; la educación non formal, con actividaes extraescolares, cursos, talleres y actividaes de conciliación familiar; la formación teatral, con cursos y talleres de teatru, interpretación, producción d’obres dramátiques y dramaturxa; y la creación escénica, con proyeutos propios de teatru, narración oral, animación a la llectura, radioteatru, podcast y collaboración con compañíes dramátiques y productores audiovisuales.